• Горан Упале
Женскиот ракометен клуб ЖРК Чаир донесе големо засилување на бековската позиција, откако во Македонија ќе пристигне Исабела Де Хесус Клементе Фереира од Бразил.
26-годишната Фереира во Чаир доаѓа од тимот од Алавериум од Португалија. Бразилката е веќе етаблирана ракометарка во португалскиот шампионат и ќе биде големо засилување за македонскиот тим. Во својата кариера Фереира уште има настапувано за Сорокаба од Бразил и Сао Педро од Португалија.
Претходно, ЖРК Чаир се засили и со голманката Ема Кирова и Мила Трајковиќ, со што клубот продолжува активно да се подготвува за новата сезона.
