Зарков: Бод многу значи за оваа млада екипа, секој натпревар играме подобро

Малкумина веруваа дека Пелистер има сили за реми или победа против непоразениот Пролет. Откако го бркаа водството на противникот во текот на сите 60 минути, екипата на Александар Зарков стигна до голем бод со голот на Талевски од пенал на шест секунди до крајот.

По емоционалните 23-23 во спортската сала  „Боро Чурлевски“ и првиот бод на домашен терен сезонава, тренерот Александар Зарков ги пофали своите ракометари и нивната борбеност.

„Сакам да ги пофалам моите момци за залагањето. По тешкиот пат и напорите во Швајцарија, дадоа 150% на овој натпревар. Побарав од нив денес да дадам што имаат од себе, бидејќи бод од овој дуел многу ни значи. Од натпревар во натпревар оваа млада екипа има подобро и подобро и треба да им се честита на момците. Верувам дека битолската публика тоа ќе го препознаа и ќе ги поздрави и в сабота на реваншот против Винтертур“, ни рече Зарков.

Утре пелистерци добија слободен ден, а в петок ќе го подготвуваат дуелот од второто коло на ЕХФ Купот против Винтертур, каде главна цел ќе им биде достоинствено да се простат од Европа. 

Суперлига
ОН П Н И Гол. ГР Форма Бод.
1 МеталургМеталург 6 5 1 0 205:150 55 16
2 Пролет 62Пролет 62 6 4 2 0 177:163 14 14
3 Охрид 2013Охрид 2013 5 4 0 1 135:110 25 12
4 Бутел СкопјеБутел Скопје 5 4 0 1 143:122 21 12
5 РадовишРадовиш 6 3 0 3 190:183 7 9
6 Вардар ЈуниорВардар Јуниор 6 2 0 4 156:185 -29 6
7 ПелистерПелистер 5 1 2 2 117:123 -6 5
8 РаботничкиРаботнички 5 1 1 3 147:171 -24 4
9 СтругаСтруга 6 0 1 5 142:168 -26 1
10 Металург 2Металург 2 6 0 1 5 182:219 -37 1