• Саше Љолес
Ракометарите на Висла Плок не успеаја да ја надополнат негативата од четири гола, со што испаднаа од Лигата на шампионите по двомечот со Спортинг, и покрај минималната победа во реваншот со конечни 28-27.
Во првото полувреме полскиот тим одигра солидно и имаше два гола предност на паузата (13-11), а во вториот дел Португалците успеаја да се одржат во игра и не му дозволија на полскиот тим да им создаде поголеми проблеми.
Имаше Висла во неколку наврати +2 и тргна во силна офанзива во финишот, но Спортинг го задржа моментумот на домаќинот и на крајот се избори за безболен пораз.
Најдобар поединец во победничкиот состав беше Франциско Коста со осум голови, а на спротивната страна, седум погодоци впиша Сергеј Косоротов. Спортинг во четвртфиналето на елитното натпреварување ќе ги одмери силите со данскиот Алборг.
