• Иван Димовски
Ракометарите на Загреб се радуваа на домашниот натпревар од деветтото коло во Лигата на шампионите против ПИК Сегед со 30-25. За хрватскиот тим ова е трета победа во групата на Еурофарм Пелистер, со што полноправно се вклучи во трката за пласман во нокаут рундата.
Подобро во Загреб отворија Унгарците кои поведоа од стартот (2-5), ама бргу следеше пад. На тоа домаќинот одговори со серија од 10-2 и дојде до предност од 12-7. Токму со највисокото водство се замина и на одморот (17-12). Во продолжението Загреб заигра уште поубедливо и на моменти водеше со девет гола, за на крајот да слави со +5. Екс-вардарецот Иван Чупиќ даде шест гола, исто колку и Срна, додека кај Сегед најефикасен беше Мачковшек со пет.
Убедлива победа запиша Алборг во скандинавското дерби на гости кај Колштад од 18-29 (9-14). Данскиот состав покажа кој е кој и барем до утре ќе биде лидер во групата. Микел Хансен и Кристијан Бјорнсен со по шест погодоци го предводеа тимот до победата, а успех беше фактот дека го задржаа Сандер Сагосен на само четири.
Во овој термин се одигра и мечот во Словенија, каде што Висла Плок слави кај Целје со 25-30.
Вечерва во Данска се игра натпреварот меѓу ГОГ Гудме и Порто.
