Василевски: На Пролет местото му е во елитата на македонскиот ракомет 

Екипата на Тинес Пролет е на само 60 минути до нов пласман во ракометниот плеј-оф. Избраниците на Матлиевски вечерва на дуелот со Прилеп ќе бидат „господари на сопствената судбина“ и со победа ќе обезбедат место меѓу шесте најдобри во Суперлигата. 

 Кружниот напаѓач Филип Василевски вели дека последниот натпревар на хартија е меѓу најлесните, но доколку Пролет сака успех ќе мора да биде максимално мотивиран и да одигра најдобро што знае. 

„Последниот натпревар на хартија е меѓу најлесните, но за нас воедно е и најважен. Поквалитетни сме од Прилеп, а овој клуб во меѓувреме зимава остана и без неколку ракометари. Значењето на средбата е огромно и затоа сме максимално мотивирани да одиграме најдобро што знаеме и да стигнеме до посакуваната победа. Нема сомнеж, со квалитетот што го поседуваме и со игрите што ги прикажуваме местото на Тинекс Пролет е во самата елита на македонскиот ракомет“, вели Филип Василевски.

Натпреварот меѓу Тинекс Пролет и Прилеп на програмата е денес со почеток во 18:30 часот.

Суперлига
ОН П Н И Гол. ГР Форма Бод.
1 Бутел СкопјеБутел Скопје 3 3 0 0 86:78 8 9
2 МеталургМеталург 3 2 1 0 104:73 31 7
3 Пролет 62Пролет 62 3 2 1 0 80:77 3 7
4 Охрид 2013Охрид 2013 3 2 0 1 78:62 16 6
5 РадовишРадовиш 3 2 0 1 89:84 5 6
6 ПелистерПелистер 3 1 0 2 69:75 -6 3
7 СтругаСтруга 3 0 1 2 76:80 -4 1
8 РаботничкиРаботнички 2 0 1 1 47:59 -12 1
9 Металург 2Металург 2 2 0 0 2 62:70 -8 0
10 Вардар ЈуниорВардар Јуниор 3 0 0 3 71:104 -33 0