• Иван Димовски
Иднината на сезоната 2022/23 во СЕХА лигата во моментов е непозната. Иако не се целосно комплетирани се четвртфиналните двомечи, не се познати информации за „фајнал-фор“ турнирот кој треба да го одреди новиот шампион.
Во фазата на осум најдобри, македонските тимови Вардар и Еурофарм Пелистер обезбедија пласман на завршниот турнир, додека покрај нив пласиран е уште Партизан. Челниците на СЕХА лигата ги одредија најдобрите ракометари во оваа фаза на натпреварувањето.
- Најдобриот тим во четвртфиналето на СЕХА:
Голман:
Андреј Трнавац (Партизан)
Крила:
Јан Чувара (Вардар 1961), Ненад Костески (Еурофарм Пелистер)
Бекови:
Себастијан Хенеберг (Еурофарм Пелистер), Никола Ивановиќ (Татран Прешов), Вељко Поповиќ (Партизан)
Кружен напаѓач:
Вјалеслав Касаткин (Татран Прешов)
Досега не е одигран двомечот меѓу Нексе Нашице и ППД Загреб, нема индиции кога хрватското дерби би можело да биде на програмата, а со тоа нема информации ниту за битката за трофејот.
