• Саше Љолес
Двократниот европски шампион, Вардар 1961, ги започна подготовките за останатиот дел од сезоната во македонската Суперлига.
Гиљермо Милано на располагање ги има скоро сите ракометари, а на првиот тренинг не се појавија само репрезентативците кои наскоро ќе настапат на Светското првенство. Лазаревски и Јагуриновски ќе го носат дресот на македонската селекција, Ларс Коиј е дел од холандската, Хансе Родригез настапува за кубанската, а Мергели е дел од ростерот на туниската репрезентација.
Екипата засега ќе се подготвува во Скопје, а во план се и неколку пријателски натпревари за влегување во посакуваниот натпреварувачки ритам. Вардар го заврши првиот дел од сезоната со 28 бода, исто колку Еурофарм Пелистер. Лидер е Алкалоид со два бода повеќе.
