• Горан Упале
Македонскиот ракометен суперлигаш Вардар 1961 во пресрет на првиот натпревар на 52 издание на Струшкиот турнир се пофали со нов ракометар.
Младиот и талентиран десен бек Кристијан Стаменковиќ е нов член на најтрофејниот ракометен колектив во Македонија. Тој потпиша четиригодишен договор со „црвено-црните“ и ќе дебитира за уште на турнирот во Струга.
Стаменковиќ настапуваше за екипата на Голден Арт, а во 2023 година беше избран за МВП на Ф4 турнирот во младинска конкуренција.
Во Вардар 1961 ќе има шанса за напредок во кариерата и за докажување на домашна, но и на меѓународна сцена.
