Вардар се загуби во Киелце, првакот го чека тешка борба во ЛШ

Европскиот и македонски ракометен првак Вардар доживеа нов пораз во Лигата на шампионите на гости кај Киелце (35-25) и го предаде местото коешто го имаше во најквалитетното европско ракометно натпреварување.

„Црвено-црните“ во Полска допатуваа со доста проблеми, посебно во бековската позиција, каде го немаа Даинис Кристопанс, а Кристијан Дисингер беше лимитиран поради повреда. Киелце не си дозволи да киксне како на претходниот меч во Скопје, добро ја имаше анализирано играта на Вардар и прокнижи нови бодови пред својата публика.

Уште од стартот на натпреварот Киелце отвори со предност и ниту еднаш не ја предаде. Домаќинот водеше со 6-3, па со 8-5, благодарение на голманот Волф, кој двапати го прочита Дисингер и ја сочува својата мрежа. Вардар се обидуваше да намали со „седум на шест“ игра, но немаше доволна брзина во составот. Кога и да дадеше гол, Киелце возвраќаше на празна мрежа.

Предноста од три гола Киелце ја задржа на паузата (17-14), а иако Вардар го отвори вториот дел со погодок и намали за првпат на два гола по долго време, сепак, Киелце влезе во ритам, ги искористи грешките на вардарци, па дојде на 21-16. Кокшаров му даде шанса на младиот Кизиќ, кој фати три топки, но избрзаните одлуки во нападите и техничките грешки, не дозволија Вардар да дојде до приклучок.

На десет минути пред крајот Киелце дојде и до највисоки „плус седум“ (27-20) и го приведе натпреварот во своја корист. Најдобри кај победникот беа Карачиќ и Каралек со по шест гола, додека Волф забележа 13 интервенции, а кај Вардар, Дибиров заврши со осум гола, Скубе постигна шест, а Стоилов имаше пет гола.

Групата на Вардар е вистински хаос, па јасно е дека европскиот првак го чека тешка борба за подобра позиција пред нокаут-рундата. Следен дуел во Лигата на шампионите ќе биде гостување кај Мешков Брест, претпоследен европски натпревар за 2019 година.

Лига на шампиони (М), Група Б
ОН П Н И Гол. ГР Форма Бод.
1 КилКил 11 8 2 1 348:305 43 18
2 ВеспремВеспрем 11 8 0 3 364:312 52 16
3 МонпелјеМонпелје 1 11 6 1 4 302:298 4 13
4 КиелцеКиелце 1 11 5 2 4 326:308 18 12
5 ПортоПорто 11 4 2 5 310:326 -16 10
6 ВардарВардар 11 4 1 6 309:355 -46 9
7 Мешков БрестМешков Брест 1 11 3 0 8 310:336 -26 6
8 Мотор ЗапорожјеМотор Запорожје 1 11 1 2 8 330:359 -29 4