• Горан Упале
Поранешниот македонски ракометен шампион, Вардар 1961, по неколку години пауза се враќа во групна фаза на едно натпреварување на ЕХФ. „Црвено-црните“ во новата сезона ќе бидат дел од Европската лига, а денес ги дознаа ривалите во својата група.
Вардар 1961, ждрепката во Виена ја пречека од вториот шешир и за противник од првиот шешир го доби тимот на Порто, против кој своевремено водеше големи битки во Лигата на шампионите. Во Скопје ќе гостува и победникот од квалификацискиот двомеч меѓу Мелсунген и Елверум, додека последен тим кој ќе се натпреварува во групата Ф ќе биде подобриот од двомечот меѓу Валур и Винковци.
Група Ф: Порто, ВАРДАР, Мелсунген или Елверум, Валур или Винковци
- Групите во Европската лига:
Првите две екипи од секоја група патуваат во следната фаза. Квалификациското коло во Европската лига ќе се игра на крајот на август и почетокот на септември.
Вардарци и минатата сезона беа дел од Европската лига, но тогаш не успеаја да ги минат квалификациите и беа елиминирани од германскиот гигант Рајн Некар Левен
Покрај Вардар 1961, на европската ракометна сцена во новата сезона ќе се претстават уште и Еурофарм Пелистер во Лигата на шампионите, додека во ЕХФ Купот ќе настапат Тиквеш, Охрид и Алкалоид.
