Вардар Јуниор преку Борец ја запиша четвртата радост во Суперлигата

Македонскиот суперлигаш Вардар Јуниор се врати на победнички пат во македонскиот шампионат и на едно коло пред крајот на регуларниот дел, пред својата публика го совлада „фенерџијата“ Борец од Велес (37-16).

Младите вардарци и Борец играа рамноправно десетина минути, а потоа следеше доминација на домашниот тим. Резултатот беше изедначен до 10-9, што донесе и тајм-аут за домаќините и серија од 6-0, со која се дојде до првото поосетно водство.

На полувремето Вардар Јуниор имаше предност од 16-10, а во вториот дел, се поведе со двоцифрена предност (22-12) и истата ниту еднаш „црвено-црните“ не ја испуштија до самиот крај на средбата.

Најдобар кај Вардар Јуниор беше Ален Ќосевски со осум гола, Мартин Карапалевски даде шест, а Дарко Трајковски даде пет, додека кај Борец, Лазар Стојанов заврши со пет, додека Стефан Дамески постигна четири погодока.

За Вардар Јуниор ова е четврта радост во Суперлигата. Сега тимот е на осмото место, пред Прилеп и Борец. Велешани, пак, се заковани на дното и по 17 кола имаат 17 порази.

Суперлига
ОН П Н И Гол. ГР Форма Бод.
1 МеталургМеталург 14 12 2 0 486:350 136 38
2 Охрид 2013Охрид 2013 14 12 1 1 404:313 91 37
3 Бутел СкопјеБутел Скопје 14 10 1 3 379:340 39 31
4 Пролет 62Пролет 62 14 9 2 3 440:371 69 29
5 РадовишРадовиш 14 7 1 6 412:408 4 22
6 Вардар ЈуниорВардар Јуниор 14 6 0 8 385:417 -32 18
7 Еурофарм Пелистер 2Еурофарм Пелистер 2 14 4 2 8 358:379 -21 14
8 Металург 2Металург 2 14 2 1 11 397:473 -76 7
9 РаботничкиРаботнички 14 1 1 12 399:504 -105 4
9 СтругаСтруга 14 1 1 12 323:428 -105 4