• Горан Упале
Новиот ракометен суперлигаш, Алкалоид, викендов за првпат во клупската историја во Суперлигата ќе ги одмери силите со двократниот европски шампион Вардар 1961.
Домаќин ќе биде салата „Јане Сандански“, а бранителот на титула веќе ги пушти во продажба билетите за овој натпревар. Продажбата на билетите ќе се врши онлајн и преку продажната мрежа на MkTickets. Два часа пред натпреварот ќе работи и билетарницата пред салата. Цените на билетите се 50 и 100 денари.
Двете екипи одлично ја започнаа новата сезона и имаат максималан број на бодови, па затоа нивната пресметка може да се окарактеризира како дерби на четвртото коло во Суперлигата.
Натпреварот меѓу Вардар и Алкалоид е закажан за в сабота (24 септември) во 18:30 часот.
