• Горан Упале
Ракометарите на Тулуз ја приредија најголемата сензација во поновата историја на францускиот шампионат, откако во рамките од третото коло славеа победа над ѕвездениот тим на Пари Сен Жермен, и тоа со осум гола разлика (35-27).
Тулуз, кој сезоната ја започна со победа и пораз, одигра фантастичен натпревар против фаворизираниот противник. Мотивираноста кај домашните ракометари можеше да се забележи уште во првиот дел, кој на крај го добија со 17-13.
Момците на Раул Гонзалез и во вториот дел тргнаа лошо и со многу технички грешки во нападот, а Тулуз тоа најдобро го искористи и се избори за неверојатна победа од 35-27 .
За моќниот ПСЖ ова беше прв пораз по 38 одиграни натпревари во домашниот шампионат, односно по поразот од Нант во 2021 година.
