Три од три за Петковиќ, Пелистер си поигра со Прилеп

Битолски Пелистер продолжи да победува под водство на новиот тренер и ја забележа третата победа во низа. Во салата „Боро Чурлевски“ совладан е Прилеп, кој беше лесен плен (35-23).

По тренерската смена, дојде и позитивната клима кај битолчани. Ракометарите врзаа три победи под палката на Јосиф Петковиќ, а последна „жртва“ беше тимот од долниот дел на табелата во лигата. Пелистер доминираше цела средба и ниту еднаш резултатот не беше доведен под знак прашалник.

Разликата меѓу двата тима беше евидентна уште по првиот дел, по кој на семафорот стоеше 16-10 за домаќинот. Сите ракометари добија шанса, а со добрата партија си ставија нови бодови на своето конто и ја оправдаа минутажата.

Најдобар кај Пелистер беше Поповиќ со седум гола, додека Лековиќ и Стоилевски дадоа по пет, додека кај Прилеп, Шокоски заврши со осум гола.

„Зелените“ се четвртопласирани во лигата со шест победи и два порази, додека Прилеп има една победа, едно реми и шест неуспеха.

Суперлига
ОН П Н И Гол. ГР Форма Бод.
1 Еурофарм РаботникЕурофарм Работник 18 17 1 0 622:392 230 52
2 ПелистерПелистер 18 13 2 3 579:473 106 41
3 Бутел СкопјеБутел Скопје 18 13 0 5 521:412 109 39
4 Пролет 62Пролет 62 18 12 1 5 551:456 95 37
5 Охрид 2013Охрид 2013 18 11 0 7 527:463 64 33
6 СтругаСтруга 18 9 1 8 481:457 24 28
7 РадовишРадовиш 18 5 0 13 559:610 -51 15
8 Вардар ЈуниорВардар Јуниор 18 4 0 14 451:549 -98 12
9 ПрилепПрилеп 18 3 1 14 429:597 -168 10
10 ГРК БорецГРК Борец 18 0 0 18 396:707 -311 0