• Мартин Танасковски
Македонската ракометна репрезентативка Сара Ристовска настапи за нејзиниот Рапид Букурешт во Лигата на шампионите, но доживеа пораз на гостувањето кај дански Есбјерг (39-32).
Крилото имаше реализација од три погодока и беше една од најдобрите стрелци на својот тим. Втората македонска репрезентативка во ЛШ, Ива Младеновска, не беше во ростерот на Брест кој победи на гости кај Лудвигсбург (33-26).
Големо изненадување приреди тимот на Будуќност, кој во Црна Гора и со улога на аутсајдер му скина бод на големиот фаворит и еден од првите кандидати за европскиот трон Ѓер (23-23).
Во последниот дуел од програмата на женската ракометна ЛШ, ЦСМ Букурешт беше за еден гол подобар од дански НФХ (27-26).
