Тримо Требње

Данскиот вицепрвак ГОГ Гудме ја оправда фаворитската улога на гостувањето кај Тримо Требње (27-30) во заостанат меч од 4. коло во Европската лига. Со овој триумф, Данците му направија услуга на Еурофарм Пелистер.

Екипата на Рајн Некар Левен покажа зошто е фаворит во групата во која е и Еурофарм Пелистер, па со сигурна победа кај Тримо Требње (29-35) се зацврсти на врвот.

Еурофарм Пелистер запиша дебитантска победа во Европската лига и на домашен терен му се реваншира на Тримо Требње. 

Притисокот и стресот кој го имаа на свој грб како да ги налутија ракометарите на Еурофарм Пелистер, па вечерва со моќна партија убедливо го совладаа Тримо Требње во Европската лига (33-26). Првата ѕвезда на пелистерци, Стипе Мандалиниќ во вистински момент блесна на паркетот, беше нерешлива енигма за словенечката екипа и со 11 гола го водеше домашниот тим до заслужената победа, прва во новото натпреварување на ЕХФ. За битолскиот клуб вечерашниот меч беше последен за 2020 година, која сигурно посакува што побрзо да ја заборави. Во овие 12 месеци одигра само шест натпревари (три во гости и три на свој терен) и запиша една победа, едно реми и четири порази.

Екипата на Еурофарм Пелистер им се радува на првата победа во новото натпреварување на ЕХФ, Европската лига, откако вечерва на свој терен со сигурни 33-26 славеше на дуелот со Тримо Требње.

Екипата на Еурофарм Пелистер ја запиша првата победа во сезоната во Европската лигата, откако во својот дом „Боро Чурлевски“ со 33-26 (20-14) славеше убедливо на дуелот со словенечкиот тим на Тримо Требње.

Македонскиот вицешампион вечерва го игра вториот домашен натпревар во Европската лига. Во салата „Боро Чурлевски“ гостува словенечкиот тим на Тримо Требње, кој во Битола допатува по сигурната победа во Љубљана во нивната прва средба во ова натпреварување. 

Екипата на Еурофарм Пелистер е пред нов тест во Европската лига. Во Битола гостува Тримо Требње, тим против кого битолчани го положија оружјето во Љубљана пред седум дена, а претходно пред словенечкиот прволигаш падна и фаворизираната екипа од Унгарија, Татабања.

По три порази во четири одиграни натпревари оваа есен, Еурофарм Пелистер се наоѓа на работ да зависи сам од себе за пласманот во четвртфиналето на Европската лига. Поразот во Словенија од Тримо Требње и начинот како се загуби дуелот во вторникот остави дилеми во групата и можеби добро е што веднаш доаѓа можност за реванш.