Металург

Некогашниот македонски ракометен првак Металург официјално е исфрлен од Суперлигата и заминува во најнизок ранг, откако не пријави играчи за настап во плеј-аутот.

Во последните денови предвидени за регистрација на нови ракометари, првакот на Македонија, Вардар 1961 доведе уште едно ново име. Откако пред една недела од Охрид пристигна на позајмица Стефан Додиќ, по истиот рецепт од Металург доаѓа Костадин Петров.

Проблемите со неисплатените долгови го стигнаа Металург. Поранешниот македонски првак доби суспензија од ЕХФ, а истата ја имплементираше и Ракометната федерација на Македонија. 

Скоро секоја сезона во суперлигашот Металург, еден тренер ја почнува сезоната, а друг ја завршува. Овојпат тренерска смена се случи на полусезона, откако Иван Марковски на крајот од 2021 година го напушти клубот од Автокоманда.

Можеби не дојде во најдобар момент во Металург, но хрватската легенда Златко Хорват има пофални зборови за клубот од Автокоманда и за начинот на кој се третира ракометот во Македонија. За хрватските медиуми поранешниот капитен на ППД Загреб зборуваше за статусот на ракометот во нашата земја и начинот на кој финансиски се снаоѓаат клубовите.

Бурата во Металург не стивнува, затоа што по неколку ракометари од првиот тим си заминува и тренерот Иван Марковски. Иако најави дека останува дел од проектот, сепак, по новата година дојде до разделба.

Струга ги искористи проблемите на Металург и ја запиша четвртата сезонска победа во Суперлигата (35-21). Дуелот од 16. коло, последно годинава, беше нерамноправен, бидејќи гостите од Автокоманда допатуваа со скратен ростер и за разлика од вчерашниот дуел против Тиквеш, и без Хрватот Златко Хорват. 

Металург остана без првата ѕвезда откако Златко Хорват реши предвреме да го раскине договорот со клубот поради финансиски проблем и да замине од Македонија. Информацијата ја потврди претседателката Зорица Блажевска, која истакна дека е горда што имала можност да соработува со таков професионалец и има надеж дека патиштата еден ден пак ќе им се спојат.

Екипата на Металург забележа голема победа на домашната сцена и во драматичен натпревар го победи Тиквеш (28-27) во дуел кој го реши гол постигнат во последната секунда, па дојде до седмата победа по четиринаесет одиграни кола во Суперлигата.