Хипо

Германски Лајпциг е четвртиот член во Б групната фаза од женската Лига на шампионите и ќе игра заедно со Вардар. На квалификацискиот турнир во Шпанија, Германките во финалето го победија австрискиот Хипо со 32-30 (15-16). Не помогнаа ниту 14-те гола на Ачимовиќ за Хипо, кој првпат нема да игра во групната фаза од ЛШ.

Никој во таборот на Хипо не очекуваше подвиг на мечот во Скопје против Вардар. Ако ја имаа истата екипа од пред 15-16 години, можеби и ќе беа разочарани од поразот од 37-25, но вака Австријците спортски подадоа рака и ја честитаа победата на „вардарки“.

Најтешко е да се мотивираат спортистите за однапред добиени или резултатски неважни натпревари. Така и ракометарките на ЖРК Вардар играа толку опуштено, што далеку поскромниот тим на Хипо дури и поведе во Скопје. Но девојките на Кастратовиќ пред сите Пенезиќ и Лекиќ и одбраната на чело со Французинката Лејно ги вратија работите на свое место. Неисполнетата спортска сала „СЦ Јане Сандански“ како да гледаше тренинг до финални 37-25 за црвено-црните. Целта е остварена, сега на ред е главната групна фаза во јануари.