ЖРК Вардар

Македонскиот женски ракомет го слави петтото финале на Купот или Лигата на шампионите во ракомет. По трите финалиња на Кометал Ѓорче Петров, сега Вардар во петтиот завршен турнир во Будимпешта дојде до второто финале.

Можеби не се многубројни како Романките и Унгарките, но навивачите на Вардар се расположени и гласни во пресрет на уште едно европско полуфинале. Ако лани беше скршена бариерата во полуфиналето, сега девојките на Дибирива сакаат уште повеќе – сакаат титула. На крилата на неколку стотини македонски навивачи, Ростов Дон и тоа како е победлив попладнево во „Ласло Пап Арена“.

Руската репрезентативка Ана Вјахирева сезонава е една од најдобрите во тимот на Ростов-Дон. Десното крило, кое еднакво добро се снаоѓа и на позицијата десен бек, очекува тежок натпревар и вели дека рускиот шампион е подготвен за многу борба со ЖРК Вардар.

Најдобриот стрелец на ЖРК Вардар оваа сезона е Андреа Пенезиќ. Хрватската репрезентативка ја игра четвртата сезона во македонскиот тим и четврти пат ќе биде дел од Ф4 турнирот. Таа вели дека се подготвени за новиот предизвик и дуелот со рускиот шампион Ростов-Дон.

Една од најопасните ракометарки на Ростов-Дон е десниот бек од Црна Гора, Катарина Булатовиќ. Таа може да ја освои петтата титула во Лигата на шампионите и да стане единствена со такво остварување.

Ракометарките на ЖРК Вардар ќе ја имаат петтата шанса да ја освојат титулата во Лигата на шампионите. Противник е рускиот првак Ростов Дон, кој е дебитант на завршните турнири. По официјалната дружба со новинарите, вардарки се дружеа и со големиот број на ракометни вљубеници на „Плоштадот на Хероите“ во центарот на Будимпешта. Сите ракометни фанови, посебно најмладите, бликаа од среќа по средбата со Лекиќ, Радичевиќ, Цвијиќ, Лејно, Лакарбер, Дибирова и Парондо. 

Покрај Јованка Радичевиќ и Андреа Лекиќ, една од ракометарките со најдолг стаж во Македонија е и десниот бек Андреа Кликовац, Таа ја игра петтата сезона во ЖРК Вардар и настапуваше на сите завршни турнири кога македонскиот тим беше учесник. Таа, како и сите други посакува послендиот пат да биде со искачување на тронот. 

Македонската публика има пријатни спомени од најдоброто лево крило во светот и членката на идеалниот тим и сезонава во Лигата на шампионите, Сираба Дембеле. Ѕвездата на Ростов Дон не криеше дека стравува од супер-мотивацијата на вардарки во нивната последна шанса за европска титула. 

Европската ракометна централа ги објави 15-те најдобри одбрани на регуларниот дел од сезоната на Лигата на шампионите во женска конкуренција. И овој избор не можеше да мине без голманките на Вардар, Суслина и Лејно, кои имаат големи заслуги што ЖРК Вардар петта година по ред ќе игра за европската круна во „Ласло Пап Арената“.