ЖРК Вардар

Скромен почеток, блескава средишница и тажен крај – вака може во три чина да се подели петтото финале на Лигата на шампионите во ракомет за жени, кое донесе трета круна на домашен терен за Ѓер, а втор последователен пораз на ЖРК Вардар. Блескавите инвидуални партии на Аморим, Лејно, Грот, Лекиќ ја одушевија ракометната публика. Штета што спортската фортуна пак ги послужи Унгарките, а вардарки ги остави без хепи-енд во прекрасната петгодишна приказна.

Имаа милион проблеми и повреди, не беше логично од нив да се очекува два перфектни меча во два дена, но ракометарките на Ѓер пронајдоа сила и ја одбранија европската титула со победата над Вардар со 27-26.

Како и минатата година, вардарки имаа напад за победа во регуларниот тек и пак беа брзоплети и не упатија удар кон унгарскиот гол. Во продолженијата од финалето на Лигата на шампионите беа надиграни од Ѓер, а кога им се укажа шанса за реми и седмерци, Киш се испречи и одбрани зицер. Тагата загосподари меѓу ракометарките на Дибирова и потиштени низ солзи и болни гримаси ја напуштија „Ласло Пап Арена“ за да се подготват за церемонијата на прогласување на најдобрите. Погледнете ги тажните моменти низ објективот на Gol.mk.

Српската репрезентативка Драгана Цвијиќ, сепак не ја заврши вардаровата епизода со титула во Лигата на шампионите. По многу возбудувања и продолжение, ЖРК Вардар беше поразен од Ѓер со 27-26, а унгарскиот тим влезе во историјата како прв тим што ја одбранил титулата, откако е воведен завршниот турнир.

Втора година по ред унгарски Ѓер му застана на патот на Вардар до европската титула во Лигата на шампионите (ЛШ).

Како и минатата сезона вардарки беа поблиску до победа во регуларниот тек на финалето. Кога Андреа Лекиќ постигна мајсторски гол за 19-20 се чинеше дека Ѓер нема одговор. Но, македонската снаа Едуарда Аморим постигна ретко виден гол после колективна акција и израмни на 20-20. 

Иако ракометарките на ЖРК Вардар останаа без европската титула, имаат мала утеха. Голманката на „црвено-црните“ дами, Амандин Лејно, потполно заслужено беше прогласена за МВП на финалниот турнир.

Ракометарките на ЖРК Вардар втора година по ред остануваат без долго посакуваната европска титула, откако Ѓер по продолженија славеше со 27-26. Во последната минута од второто продолжение, унгарскиот тим имаше напад за потврда на победата, но домашните ракометарки погрешија.

Ракометарките на Ѓер се старо-нови европски првенки, откако во драматично финале во „Ласло Пап Арена“ го совладаа тимот на ЖРК Вардар со 27-26 по продолженија многу слично како минатата година. Вардарки ќе останат запаметени како постојани учеснички на Ф4, но никогаш златни. Финалето го следеа 12.000 луѓе и како и минатата година до последен момент беше неизвесно околу победникот.