ЖРК Вардар

Вторпат во нешто повеќе од еден месец Вардар и Савехоф ќе играат меч за бодови во Лигата на шампионите. Индира Кастратовиќ верува дека второто место е подобро од третото, но не претставува голема предност ако вториот меч се игра пред своите гледачи или не.   

По едномесечната пауза, Татјана Хмирова се приклучи на тренинзите на македонскиот женски ракометен шампион, Вардар.

По вчерашната историска победа на Вардар против европскиот шампион Будуќност од 26-24, македонскиот женски ракометен првак ја обезбеди третата позиција на табелата во втората главна група, со мали шанси да избие и едно место погоре.

Европскиот првак Будуќност „падна“ во Скопје, а ракометарките на Вардар на најдобар можен начин го прославија големиот успех.

Вардарки започнаа моќно и се слушаше молк на црногорската клупа. 

Долго време ракометарките на Вардар го ловеа водството. На моменти изгледаше и невозможен подвигот да се стигне предноста на Будуќност. Но, кога се има врвен голман како Лејно, тогаш не постои противник кој не може да падне. Така по инспирација од одличната Французинка, ЖРК Вардар конечно го совлада Будуќност (26-24) и потврди дека нема непобедливи во женскиот ракомет во Европа.

Долго им требаше на вардарки да го совладаат Будуќност и да покажат „заби“ кога играат против Будуќност. Триумфот од 26-24 не само што значеше бодови за самодоверба, за надеж за повисоко место во главната групна фаза, туку значеше и почеток на славјето на девојките на Индира Кастратовиќ. Еве како изгледаше 61. минута во СЦ „Јане Сандански“ во Скопје.

Победен е големиот Будуќност, а тоа не е само обична победа. На официјалната прес-конференција ракометарките и Индира Кастратовиќ беа видно задоволни од настапот, резултатот и изданието.

По најавите за заминување и на некогашната најдобра ракометарка на светот, Андреа Лекиќ, скопската публика го кажа своето.