Лајпциг

Ракометарките на Вардар по киксот на стартот од сезоната по ремито со ФТЦ и промената на тренерот, играат се посигурно и моќно. Вечерва „црвено-црните“ девојки предводени од Камара буквално го демолираа Лајпциг на гостински терен во Германија со резултат од 22-45 (9-22), победа со која нашиот клуб го завери првото место во групата Б од Лигата на шампионите. Притоа Вардар сруши низа клупски рекорди, но и такви во рамки на ЛШ.

Македонскиот ракометен првак во женска конкуренција, Вардар, отпатува за Германија каде ќе се соочи со Лајпциг. Германскиот претставник во ЛШ доживеа дебакл во Скопје (24-41), но Јованка Радичевиќ, една од најдобрите ракометарки на црвено-црните смета дека македонскиот првак нема да има лесна задача на гостувањето.

Македонскиот ракометен првак ЖРК Вардар демонстрира сила и во СЦ „Јане Сандански“ ја забележа втората најубедлива победа во ЛШ. На колена пред вардарки паднаа ракометарките на Лајпциг, кои загубија со 41-24. „Тројцата мускетари“ кои ја наследија Кастратовиќ, Сергеј Самсоненко, Ацо Станковски и Едуард Кокшаров, очигледно, си ја завршиле добро работата. Ракометарките играа како по ноти, а публиката уживаже во секој нивен потег. Вакви партии да има до крај - титулата во ЛШ на Вардар му е загарантирана! Сергеј Самсоненко по мечот јавно му се заблагодари и на Давид Дејвис, асистентот на Раул Гонзалес, кој се вложил себеси да помага во последните пет дена откога Индира не е на кормилото.

Сара Ристовска, ракометарката која ги брани боите на ЖРК Вардар е задоволна од своето издание против германски Лајпциг. Македонката одигра феноменален натпревар за Вардар и постигна пет гола од пет обида.

Македонскиот ракометен првак, ЖРК Вардар во СЦ „Јане Сандански“ ќе брка победа над Лајпциг и ќе биде воден од тројца тренери.

Ацо Станковски, човекот кој на клупата на ЖРК Вардар ја замени Индира Кастратовиќ ќе има тешка мисија против Лајпциг, затоа што црвено-црните ќе мора да победат пред домашната публика. По ремито против унгарски ФТЦ во Скопје доаѓа германски тим, а Станковски вели дека девојките и тој ја согледале целата ситуација и дека подготвени го дочекуваат предизвикот.

Гордана Нацева, директорот на македонскиот ракометен првак ЖРК Вардар прокоментира нешто за Индира Кастратовиќ, која пред неколку дена доби отказ од таборот на црвено-црните. Некогашната репрезентативка на Македонија имаше лош старт во ЛШ, по што клубот реши да ја прекине соработката со неа, но според првичните информации таа нема да биде во целост надвор од Вардар затоа што веќе и е понудено да остане дел од семејството.

Шпанската екипа Бера Бера од Сан Себастијан ја доби организацијата на турнирот од квалификациите на женската Лига на шампиони на кој ќе учествуваат покрај домашната екиоа уште и Лајпциг (Германија), Хипо (Австрија) и Гомељ (Белорусија).