Еурофарм Пелистер 2

Екипата на Пролет 62 со посакувана победа ја заврши 2019 година и на домашен терен прокнижи бодови со Пелистер (36-26), инаку стар должник, поради непланираното реми на првиот меѓусебен меч во Битола.

Екипата на Пелистер забележа триумф во Суперлигата и славеше над Металург 2 (29-27) во дуел кој се одигра во салата „Боро Чурлевски“ во Битола во рамки на 13. коло од македонскиот ракометен шампионат. Домаќинот дојде до четвртата радост, но потешко од очекувањата, затоа што гостинот од Скопје даде голем отпор. Главната разлика се случи со шест гола во низа, во средината на второто полувреме, кога нападот на Металург 2 затаи, а на спротивната страна Пелистер „решеташе“. Битолчани ја израдуваа својата публика и победија пред „Чкембарите“ кои го бодреа тимот 60 минути.

Четирипартитниот договор за уредување на капиталната и управувачка структура на РК Еурофарм Работник АД Битола и РК Пелистер АД Битола, беше потпишан денес во салата на Општина Битола. 

Ракометарите на Охрид го совладувај Пелистер со 28-20, оправдувајќи ја фаворитската улога во последниот натпревар од 12. коло на Суперлигата. „Гладијаторите“ до „шест од шест“ на домашен терен стигнаа со маестрална игра во второто полувреме откако на противникот му дозволија да се разигра во првите 30 минути.

Екипата на Охрид ги искористи обврските на Металург во квалификациите за ЕХФ купот и се искачи на врвот на табелата во Суперлигата. Избраниците на Раде Стојановиќ очекувано го победија Пелистер (28-20) пред очите на „Рибарите“, кои се погрижија да приредат одлична атмосфера во салата „Билјанини извори“.

Екипата на Пелистер ја прокнижи третата победа во Суперлигата и како домаќин славеше над Струга (38-24) која останува закована на дното и ја чека тешка битка за опстанок.

Екипата на Пелистер продолжува со лошите резултати во новата сезона во Суперлигата. Битолскиот тим кој ова лето претрпе големи промени во играчкиот кадар и се потпре на млади сили, вечерва го запиша третиот пораз во низа, откако на гости во Скопје со 32-23 беше надигран од тимот на Бутел.

Екипата на Вардар Јуниор дојде до полн плен во дуелот против Пелистер во Суперлигата и на домашен терен во СЦ „Јане Сандански“ триумфираше со 29-25 (12-12). Битолските „зелени“ едно полувреме беа во ритам, а во еден момент имаа и предност, но нападот затаи кога беше најпотребно, па младите вардарци запишаа важен триумф. Во ростерот на јуниорите беше и Марко Кизиќ, голманот кој е дел од првиот тим на Вардар, но беше од голема помош меѓу стативите на овој суперлигашки меч. Исто така тука беа и Ќосевски и Кукуловски, кои исто така се дел од првиот тим на мечевите во СЕХА. Најдобар кај Вардар Јуниор беше Ќосевски со седум гола, а Кукуловски даде шест погодоци, додека кај Пелистер, Талевски беше најефикасен со седум постигнати гола. За Вардар Јуниор ова беше четврта победа во Суперлигата, додека Пелистер се наоѓа на седмото место и го почувствува петтиот пораз.

Екипата на Радовиш забележа триумф во рамки на Суперлигата и како гостин кај Пелистер во салата „Боро Чурлевски“ славеше со 22-24 (13-14), за петта радост оваа сезона во најквалитетното македонско ракометно натпреварување.