Македонија У21

Кирил Лазаров извојува уште една голема победа како предводник на младата репрезентација на Македонија до 19 години. Пеналите денес беа среќни за нашите ракометари, кои се израдуваа најмногу благодарение на одличниот Иван Галевски. Голманот интервенираше во три наврати во пенал рулетот и беше најзаслужен за пласманот во големото финале на ЕХФ-шампионатот во Скопје.

Младата репрезентација на Македонија одговори на предизвикот и ја победи Полска во вториот меч од групната фаза на ЕХФ-шампионатот во Скопје. Кирил Лазаров одлично ја подготви играта на нашиот национален тим, кој ја направи разликата во завршницата од натпреварот. Поразот од Грција е веќе минато, а фокусот сега е добра претстава на остатокот од турнирот во нашата престолнина.

Македонската репрезентација за ракометари до 19 години со пораз од Грција (26-30) го започна ЕХФ-шампионатот во Скопје. Дуелот во СЦ „Борис Трајковски“ ни донесе многу технички грешки, нервозни реакции и непредвиден пораз по петте победи во пријателските натпревари во Охрид против Италија, Црна Гора и Бутел. 

Кирил Лазаров, селекторот на машките ракометни репрезентации, го објавува списокот на повикани ракометари на собир за М19 селекцијата, односно за ракометари родени 2002 година и помлади.

Македонската кадетска ракометна репрезентација ѝ се одмазди на Аргентина во мечот за пласман (26-29) и заврши на 13. позиција на Светското првенство (СП) кое се игра во Скопје. Нашиот национален тим водеше во текот на целата средба и за разлика од првиот меѓусебен дуел во групата, во кој Македонија беше шокирана, дојде до рутински триумф. Сепак, овој реузлтат не е задоволителен, затоа што од оваа генерација се очекуваше повеќе. За нашиот национален тим ова беше прв настап на кадетските Мундијали. Групата се заврши со две победи над Нигерија и Бахреин и три порази од Аргентина, Данска и Јапонија. Португалија, пак, го исфрли нашиот национален тим во осминафиналето.

Македонската кадетска ракометна репрезентација ѝ се одмазди на Аргентина во мечот за пласман (26-29) и заврши на 13. позиција на Светското првенство (СП) кое се игра во Скопје.

Јапонците станаа популарни низ светот поради нивното однесување на Светското првенство (СП) во фудбал кое се одржа во Русија затоа што ја „светнуваа“ соблекувалната дури и по поразите. Така денес беше и во СЦ „Борис Трајковски“...

Кадетската ракометна репрезентација на Македонија го доби ривалот во разигрувањето за пласман на Светското првенство (СП) кое се игра во нашата земја.

Кадетската ракометна репрезентација на Македонија се сопна на првата нокаут-пречка на Светското првенство (СП) кое се игра во нашата земја и иако одигра машки, доживеа пораз од Португалија (29-25) и застана во осминафиналето. „Црвено-жолтите“ одиграа одличен натпревар, машки се бореа до самиот финиш за позитивен резултат против селекцијата која имаше пет победи на пет меча во групната фаза. Но во финишот како да загубија здив, подолгата ротација на противникот го направи своето, па ќе следи разигрување за пласман на светскиот ракометен собир. Кадетите имаа сон да одат што подалеку, да влезат во четвртфиналето, но сепак, мундијалскиот сон сега заврши. Противникот на Македонија во мечевите за пласман допрва ќе биде познат.