Скопје 2020

Екипата на Еурофарм Пелистер 2 не се шегува и продолжува со одличните игри во новата сезона на Суперлигата и по поразот во братскиот дуел, во воведното коло, вечерва ја прокнижи петтата победа во низа. Момците на Александар Јовиќ повторно одиграа квалитетно и ефикасно, а нивна нова „жртва“ беше новајлијата во лигата Скопје 2020, кој на крај беше поразен со убедливи 24-29 (12-14).

Екипата на Охрид оствари сигурна победа над тимот на Скопје (37-25) во дуел во кој важеше за апсолутен фаворит и ја оправда улогата пред својата публика.

Дебитантот во Суперлигата, екипата на Скопје 2020, го одигра најдобриот натпревар, но повторно остана со празни раце, овој натпревар со екипата на Прилеп (29-30).

Градското дерби меѓу Скопје и Тинекс Пролет заврши во полза на гостинската екипа. Поискусниот тим на крај направи разлика кога беше најпотребно и вторпат оваа сезона се израдува на целиот плен. Првиот дел донесе егал надигрување, а потоа следуваше подобро издание на избраниците на Андон Бошковски, кои го задржаа перфектниот старт на новата сезона во Суперлигата.

Најтрофејниот македонски ракометен клуб Вардар 1961 по долго време ја стартува домашната сцена со натпревар уште во првата лигашка фаза и славеше над новајлијата Скопје 2020 (48-24) како најава за дуелот од Лигата на шампионите. Веселин Вујовиќ играше со скоро сите расположливи ракометари, затоа што Вардар во среда го чека важен натпревар во елитното европско натпреварување на гостински терен кај норвешки Елверум, па тимот мораше да темпира форма и да се разигра и воигрува. Дебитантот продолжува со домашните предизвици во второто коло кое е закажано в среда.