Бутел Скопје

Трите порази во низа се минато за екипата на Бутел Скопје, која вечерва славеше на гостувањето кај Струга (19-27) во десеттото коло од Суперлигата. Натпреварите против Охрид, Вардар 1961 и Алкалоид се заборавени и тимот на Христијан Грчевски одново е во ритам за што е можно подобра позиција пред плеј-офот напролет.

Екипата на Вардар 1961 останува со максимален учинок во Суперлигата, по победата на гостувањето кај Бутел Скопје (23-26) во рамки на деветтата рунда на македонскиот ракометен шампионат.

Ракометарите на Бутел Скопје ќе гостуваат кај Охрид во една од најинтересните пресметки ова коло во Суперлигата. Во пресрет на средбата во „Билјанини извори“, очекувањата ги изнесе бекот на бутелчани, Филип Николов. Младиот ракометар смета дека ова ќе биде натпревар во кој ќе одлучуваат нијанси.

Екипата на ГРК Охрид ги продолжува настапите во Суперлигата. Во градот крај езерото доаѓа тимот на Бутел Скопје. За натпреварот говореше Дејан Шешкиќ, кој од таборот на „рибарите“ најави дека ќе се оди на триумф.

Екипата на Бутел Скопје на домашен терен беше подобар од Прилеп (32-25) и ја забележа петтата победа во шесте досгашни одиграни кола во Суперлигата.

Реваншот меѓу Бутел Скопје и Алпла донесе нова рутинска победа за австриската екипа (21-25). Македонскиот претатвник застана на последната пречка и не успеа да оствари пласман во групите во ЕХФ Европската лига.

Ракометниот клуб Бутел Скопје денес во СЦ „Борис Трајковски“ има историска можност да брка пласман во групната фаза на Европската лига на ЕХФ. Сепак, за да го исполни тоа, клубот од истоимената скопска населба мора да се надмине себеси и да режира пресврт и кам-бек од негатива од пет гола, со која заврши мечот кај Алпла Хард. 

Бутел Скопје е пред историска шанса за прв настап во групна фаза на едно натпреварување под капата на ЕХФ. Македонскиот тим во вторник го игра реванш дуелот со Алпла Хард од Австрија, на кој ќе брка негатива од пет гола.

Екипата на Бутел Скопје продолжи да игра во добра форма на домашната сцена и со победа над новајлијата МРК Куманово (31-28) ја запиша третата победа во серија, или вкупно четврта оваа сезона во групата од Суперлигата.