Струга

Македонскиот прволигаш Струга се разигрува за наредниот дел од сезоната во мак-ракометот, а во рамки на подготовките одигра пријателски меч против романска Доброгеа Суд, кој го загуби убедливо.

Новајлијата во Суперлигата, ракометниот клуб на Струга конечно кажа стоп на црната серија и по пауза од пет натпревари им донесе радост на своите фанови. Во рамки од 10. коло на македонскиот шампионат, избраниците на Андон Бошковски ја оправдаа улогата на фаворит и со убедливи 40-22 славеа на дуелот против „фенерџијата“ Борец. 

Екипата на Пролет по лошиот старт на сезона и трите порази, во последниот дел од ракометната Суперлига игра во одлична форма и изминатиов викенд ја запиша четвртата победа во низа. 

Некогашниот ракометен шампион Пелистер ја запиша втората победа во низа под водство на новиот тренер Јошко Петковиќ. 

Македонија на спортска основа бележи солидни резултати во последниот период. На екипен план, ракометниот клуб на Вардар стана европски шампион, фудбалскиот пред една година нè израдува со историско учество во Лига Европа, а Шкендија веќе неколку сезони несреќно испаѓа во последната пречка за европска есен. 

Овој викенд по долги години ракометните фанови во нашата држава ќе можат да уживаат го големото „езерско дерби“ меѓу екипите на Охрид 2013 и Струга 2010.  

Новајлијата во ракометната Суперлига на Македонија, Струга 2010, е едно од најпријатните изненадувања во новата сезона на домашниот шампионат. Избраниците на Андон Бошковски играат допадлив и брз ракомет и имаат позитивен скор од првите пет меча, а сега пред нив е најголемиот предизвик, односно меч со големиот ривал Охрид 2013. 

Ракометната федерација на Македонија пред четири години донесе одлука за прогресивно намалување на странските ракометари кои играат во Суперлигата, врз основа на заклучок од тогашното Собрание. Врз основа на тоа правило, претстојната сезона во клубовите кои настапуваат во најелитната конкуренција, можат да настапат максимум девет странски ракометари. Предвидено е да застане на осум во сезоната 2019/20, но можеби РФМ ќе преземе и понатамошни мерки, односно уште повеќе ќе ги ограничи странците во македонскиот ракомет, се со цел македонските играчи да добијат повеќе простор во клубовите. Останува опцијата клубот да регистрира странци колку што сака, но на еден натпревар ќе можат да настапат само девет, а со ваквото правило само Вардар ќе има проблем во плеј-офот.

Новакот во Суперлигата, тимот на Струга, има три победи во три натпревари од најелитната конкуренција во Македонија. По победите над Вардар Јуниор и ГРК Борец, избраниците на Андон Бошковски се вратија со вредна победа од гостувањето кај Радовиш со 32-35.