Нант

Тимот на Нант славеше на гостувањето во Лисабон кај составот на Бенфика со 29-31, во првиот пријателски натпревар за двете екипи во претсезоната. За македонската јавност овој дуел беше интересен поради фактот што настапија и двајцата наши репрзентативци, Борко Ристовски и Кире Лазаров.

Францускиот претставник во Лигата на шампионите и европски вицепрвак, Нант денес ги започнува подготовките за новата натпреварувачка сезона. Капитенот на македонската ракометна репрезентација, Кирил Лазаров, ја стартува својата втора сезона во Франција. Тој покрај себе од денес има уште еден поранешен соиграч од Барселона, бидејќи во Нант се врати репрезентативното крило Валеро Ривера.

Ракометарите на Нант, ќе имаат шанса да му се одмаздат на европскиот шампион Монпелје за поразот во финалето на Лигата на шампионите, бидејќи ќе се сретнат повторно на стартот на новата сезона во рамките на „Трофејот на шампионите“.

Екипата на Монпелје на големо изненадување стана шампион во ракометната Лига на шампиони, но по доаѓањето во својата земја немаше еуфоричен дочек од својата публика.

Германскиот ракометар Доминик Клајн беше единствен репрезент на домаќинот на финалето во Лигата на шампионите. Во дресот на Нант, тој не успеа да дојде до трофеј, но и покрај тоа, вели дека со насмевка играл на Ф4-турнирот и дека е задоволен од изданието.

Патрис Канаје, стратегот на Монпелје, со голема доза на среќа зборуваше по големата победа над Нант и освоениот трофеј во ракометната Лига на шампиони. Францускиот тренер сите работи за успехот му ги препиша на тимот, за кого вели дека одиграл одлична завршница во елитата.

Капитенот на македонската ракометна репрезентација, Кирил Лазаров, беше лидер на Нант на овој Ф4-турнир. Беше прв стрелец во сензационалната победа над ПСЖ, беше лидер и на мечот против Монпелје, но немаше среќа да се искачи на европскиот трон, вторпат во кариерата. Нашиот најдобар ракометар го заврши турнирот со 14 постигнати гола и го имаше вториот најдобар учинок во кариерата на Ф4, по оној со Атлетико Мадрид кога во 2012 во конкуренција на Кил и Копенхаген даде 16 гола. Како и да е, „Кире Национале“ овој турнир ќе го памети по историскиот рекорд, со кој стана најдобар стрелец во историјата на Ф4-турнирите.

Капитенот на машката ракометна репрезентација, Кирил Лазаров, имаше одличен учинок на Ф4-турнирот во Келн и статистички го имаше најдобриот настап на завршницата.

Дебитантот на Ф4-турнирите, екипата на Нант направи големо изненадување и се пласира во финалето на Лигата на шампионите, каде исто така ќе има уште една пријатна сензација наречена Монпелје.