Макс Струмица

Голем дел од ракометарите на Макс Струмица ги бројат деновите до крајот на првата полусезона, за да одморат од силниот напор. Со оглед на непредвидените заминувања, скоро истите 8-9 ракометари играа во последните три недели. Последен во низата доближени дуели е оној против Спартак утре попладне во Скопје. Ако не е баш овој меч идеален за првата победа, тогаш таков меч нема да има ниту напролет,

Никој не очекуваше победа, но очигледно во овој период за екипата на Макс Струмица победа е само да го одигра натпреварот. Против ППД Загреб нов пораз со преку 40 примени гола и нови негативни рекорди во СЕХА лигата. Вечерва, 20-41 во СРЦ „Кале“ и повеќе од 80 примени гола за екипата на Марјан Андонов, од момците на Вујовиќ оваа сезона во регионалното натпреварување, Очигледно, сега целта е Макс Струмица да го доигра натпреварувањето, а дури и ако забележи една победа, може да се смета за успех.  

Во натпревар, во кој играат мачка и глушец, екипата на МАКС Струмица го пречекува ППД Загреб, во рамките на регионалната СЕХА лига. Струмичани ја бркаат првата победа во ова натпреварување, Загреб ќе игра да докаже дека имаше само лош ден против вториот македонски претставник во лигата, Вардар.

Српскиот шампион, екипата на Војводина издвојува заслужена победа против македонскиот вицешампион, тимот на Макс Струмица со 30-25 (14-14), во натпревар од регионалната СЕХА лига, кој се играше во Нови Сад.

Екипата на Макс Струмица, која денес гостува во Нови Сад во рамките на СЕХА лигата, ќе биде ослабена со неиграњето на левиот бек, Ален Куленовиќ. Не се работи за повреда туку за ново заминување од екипата, покрај досега заминатите Дејан Пецаковски, Мирко Мајиќ и Јовица Младеновски. 

Утре во 19.30 часот, во меч од 13. коло на СЕХА лигата, Макс Струмица му гостува на екипата на Војводина. Овој натпревар ќе биде нов обид за струмичани да ја забележат својата прва победа во дебитанската сезона во ова натпреварување. И покрај лошата атмосфера и заминувањата на клучните ракометари, тренерот и средниот бек на Макс Струмица, звучат ведро и оптимистично:

Во натпревар од 10. коло на СЕХА лигата во кој играа досега единствените екипи без победа, поуспешни се покажаа домашните ракометари на Борац, кои го совладаа нашиот претставник Макс Струмица со 26-21. Еден од најзаслужните за нивната победа беше домашниот голман Тибор Иванчевиќ кој се истакна со 23 одбрани.

По две недели пауза, екипата на МАКС Струмица повторно се враќа на терените, овој пат гостува кај екипата на Борац од Бања Лука. Тимот е во комплетен состав и ќе игра за првата победа во регионалната СЕХА лига. Тренерот Марјан Андонов е оптимист за позитивен резултат од ова гостување.

Вицешампионот на Македонија, Макс Струмица, пак беше „топовска храна“ за најсилните екипи во регионалното натпреварување. На гостувањето кај Татран во Прешов во Словачка, тимот кој го води Андонов загуби со убедливи 44-18. Со само 10 ракометари, двајца голмани и осум играчи од неколку многу млади, струмичани при 5-4, направија негативна серија од 8:0 за Татран, за 13-4, па на одмор 27-12. Струмица во вториот дел не постигна гол до 42.минута, кога веќе беше 34-13. До крајот монолог на Словаците за финални 44-18. Струмица постигна само 6 голови во вториот дел, што јасно кажува за тоа каков натревар се играше. Радослав Антл беше најдобар на мечот со 17 голови од 18 обиди, додека кај Струмица, Ален Куленовиќ постигна најмноги, 6 гола.