• Горан Упале
Хрватската ракометна репрезентација убедливо загуби од домаќинот Норвешка во првото коло на силниот пријателски турнир во Осло наречен Ѓенсидиге Куп. Норвешка ја декласираше многу лошата Хрватска на Дагур Сигурдсон со 32-26.
Во воведните петнаесет минути репрезентациите наизменично се менуваа во водство, по што Норвешка првпат побегна на три гола разлика кога поведе со 11-8. По 16-14 на полувремето, домашните ракометари завладеа на паркетот и на Хрватска ѝ немаше спас. Не помогна ниту одличниот чувар на мрежата Доминик Кузмановиќ, кој со 14 одбрани имаше блескав настап.
Најдобар стрелец кај Хрватска беше Иван Мартиновиќ со осум погодоци, додека за Норвешка беше Александар Блонц, кој постигна 11 гола.
Овој турнир на Хрватска и Норвешка ќе им послужи како силна подготовка за Олимписките игри, каде Хрватите ќе играат во група со Шпанија, Шведска, Германија, Словенија и Јапонија, додека Норвешка ќе се судри со Данска, Унгарија, Франција, Египет, Аргентина.
