• Саше Љолес
Тажни вести пристигнуваат од Франција. Поранешниот ракометен репрезентативец, Денис Лату, почина во шеесеттата година од животот, после долга борба со леукемија.
Веста за неговата смрт длабоко ги потресе сите ракометни љубители, а особено допре до повозрасните фанови кои се сеќаваат на неговите одлични игри во националниот тим. Со него во екипата, Франција дојде до првото светско злато, а потоа освои уште неколку медали на големите натпреварувања - Олимписки игри во Барселона и Светско првенство во 1993 година.
Во дресот на репрезентацијата Лату одигра 164 натпревари и постигна дури 463 голови, оставајќи огромен и неизбришлив траг во овој спорт. На клупски план најголем печат даде играјќи за екипата на Ним, со која двапати го освои домашното првенство.
Во периодот минат во ПСЖ, Лату беше соиграч со нашиот Томче Петрески.