• Зоран Мишевски
Еден од најпостојаните учесници во женската Суперлига, битолски ЖРК Пелистер ги започна подготовките за новата сезона. Клубот се раздели со тренерот од сезоната 2024/25, Борче Корлевски и пак ја именува Моника Талевска на тренер на екипата. Поранешната ракометарка на ЖРК Пелистер се враќа на клупата на битолчанки по двегодишна пауза.
Талевска на располагање има млад ростер и екипата ќе се обиде да се наметна во новата Суперлига со осум екипи. ЖРК Пелистер е посилен за Симона Спиркоска, Ана Стојчевска и Невена Бундоска, но од ланскиот ростер заминаа Анастасија Дамјановска, Моника Босилковска, Наталија Дишковска и Дона Маркоска.
Пелистерки ќе се подготвуваат во Битола уште една недела, а потоа ќе ги минат централните подготовки во Охрид.
