• Иван Димовски
Ракометниот клуб Младост 1977 за втората полусезона во Првата лига промовира ново засилување.
Нов член на тимот од Богданци е Марио Миланов кој настапува во бековската линија, главно на левата страна. Се работи за 25-годишник со суперлигашко искуство.
Миланов во својата кариера настапуваше за Бутел, Голден Арт и Борец во елитното натпреварување на Македонија.
По првата полусезона Младост е лидер и единствен максимален тим во Првата лига. Тимот од Богданци е главен фаворит за првата позиција и враќање во елитата.
