• Зоран Мишевски
Во едно од своите најдобри изданија оваа есен, ракометарите на Еурофарм Пелистер 2 го победија директниот конкурент Струга со 22-17 (12-6) и останаа со теоретски надежи за место во разигрувањето за титула. Битолчани не зависат сами од себе, но со оваа втора победа по ред го прескокнаа Аеродром дојдоа на само три бода до стружани.
- Комплетниот натпревар меѓу Еурофарм Пелистер 2 и Струга:
Момците на Михаил Петровски почнаа одлична и добрата игра во одбрана им овозможни лесни голови. Митревски и Трочевски погодуваа од бековските позиции, а крилата реалзиираа од транзиција. При 9-3 Таневски побара минута одмор за да ја стабилизира екипата. Сепак, стружани беа неефикасни, а Печурица разбранет на голот. Со високи 12-6, Еурофарм Пелистер 2 замина на одмор, на задоволство на присутните гледачи во спортската сала „Боро Чурлевски“.
Ништо добро по стружани не донесе ниту вториот дел. Мијушковиќ му се приклучи на Митревски, неколку лесни голови постигна и Белистојановски и со +6 за битолчани се влезе во последните десет минути од натпреварот. Мерис Бошњак единствен возвраќаше, но Струга немаше сили за нешто повеќе од чесен пораз. Домаќините на крајот ја запишаа петтата победа во тринаесеттиот натпревар и се радуваа со финални 22-17.
Најефикасен кај Еурофарм Пелистер 2 беше Христијан Митревски со шест погодоци, а кај Струга се истакна поранешниот пелистерец Мерис Бошњак со осум гола. Во последното 14. коло од групата А на Суперлигата, Еурофарм Пелистер 2 гостува во Куманово, а Струга пред своите гледачи се среќава со Аеродром. Стружани уште имаат место во плеј-офот во свои раце, бидејќи со победа против новиот суперлигаш ќе се најдат меѓу осумте најдобри во битката за титулата и европските места.
Ракомет
Суперлига 2023/24
Група А – 13. коло
Еурофарм Пелистер 2 – Струга 22-17 (12-6)
Спортска сала „Боро Чурлевски“ - Битола
Гледачи:
Судии: Дејан и Димитар Ѓорѓиевски
Еурофарм Пелистер 2:
Штаковски, Печурица, Маркоски 1, Талевски 4, Ристевски, Митревски 6, Мирчевски, Димовски, Трпчевски 2, Димитровски 3, Калајџиовски, Ивановски, Белистојановски 3, Југовски, Мијушковиќ 3, Хаџиќ,
Седмерци: 6/4
Исклучувања: 12 минути
Струга:
Тутенковски, Тренчевски 1, Мулиќ, Савески 1, Младеновски 3, Јанкуловски 2, Бугариновиќ, Симоноски, Матески, Велјаноски, Мечкароски, Костоски 2, Бошњак 8, Марковски, Рикановиќ
Седмерци: 5/4
Исклучувања: 12 минути
