Стефан Талевски заврши со Цвикау, пак ќе игра во Суперлигата

Поранешниот капитен на Еурофарм Пелистер 2, Стефан Талевски, во новата година ќе добие нов клуб. По краткото искуство во Германија, битолчанецот пак е во Македонија и набрзо ќе потпише за нов клуб од Суперлигата. 

Средниот бек кратко настапуваше за Цвикау од Германија, клуб каде што играат Дарио Петровски и со Реваз Чантурија. 31-годишниот Талевски скоро цела кариера ја мина во Битола, а со Еурофарм Пелистер 2 стигна до одлични резултати во периодот меѓу 2017 и 2023 година. 

Со својот матичен клуб Талевски играше во Европа, се избори за место во плеј-офот и на завршниот турнир на Купот на Македонија. 

За услугите на средниот бек заинтересирани се неколку клубови од Суперлигата.