• Зоран Мишевски
Најмакедонската екипа во романскиот шампионат, Доброгеа Суд од Констанца го совлада Баја Маре со 39-33 (17-16) во рамките на 17. коло на домашниот шампионат и се искачи на врвот на табелата.
Екипата на Звонко Шундовск го положи тестот пред гостување во Данска кај Холстебро во рамките на ЕХФ Купот. Велко Маркоски и Никола Митревски се незаменливи, а синоќа стружанецот еднаш се запиша и меѓу стрелците.
Второто полувреме беше клучно за разликата која ја создадоа домаќините и го презедоа врвот од ЦСМ Букурешт и Гоце Георгиевски. Црноглавац и Чиковану со по седум гола беа најефикасни во победничкиот тим, а Чепреги со десет погодоци беше најистакнати во поразениот табот на Баја Маре.
Констанца во групната фаза на ЕХФ Купот ќе дебитира в сабота попладне на теренот на Холстебро.
