• Зоран Мишевски
За натпреварот со Кристијанштад, в сабота од 17.30 часот Вардар ќе биде посилен и за Стојанче Стоилов и Дејан Манасков кои се вратија на тренинзите, откако ја излежаа двонеделаната суспензија.
Двајцата ги пропуштија мечевите од СЕХА лига на гости кај Борац Бања Лука и Нексе од Нашице и мечот во Франкфурт со Рајн Некер Ловен во последното коло од Лигата на шампионите.
Игор Карачиќ кој имаше операција на хематом на тестисите има мали шанси да настапи, а Александар Деревен е веќе на тренинзи со екипата по тешката повреда, но и натаму многу далеку од настап.
