Романија

Тимот на Доброгеа Суд Констанца, предводена од клупата од македонскиот стратег Звонко Шундовски, а на теренот од Велко Маркоски и Никола Митревски, стартуваше со пораз во романскиот шампионат.

Тимот на Рамницу Валчеа изненадувачки славеше над фаворизираниот и засилен ЦСМ Букурешт по продолженија со 31-33 и го освои трофејот во романскиот Суперкуп.

Капитенот на македонската репрезентација Елена Ѓорѓиевска по две сезони минати во унгарскиот Алба Фехервар, се врати во романскиот шампионат и потпиша за освојувачот на ЕХФ Купот, тимот на Мунисипал Крајова.

Македонската репрезентативка Ангела Тодоровска ја промени средината, но ќе остане да игра ракомет во Романија.

Македонскиот репрезентативец Гоце Георгиевски меѓу последните ја заврши сезоната на интернационална сцена. Со неговиот ЦСМ Букурешт тој разигруваше за третото место во романскиот шампионат, но загуби во серијата „подобар од три“ од Потаиса Турда. 

Тимот на Доброгеа Суд Костанца, каде што тренер е Шундовски, а спортски директор Ангеловски, ја заврши сезоната во романскиот шампионат на петтата позиција, откако триумфираше во „македонскиот“ двобој над Темишвар со 29-24. Ова беше втора победа во серијата, по првиот триумф на гости со 22-23.

Тимовите на Политехника Темишвар и Доброгеа Суд Констанца, каде бранат репрезентативните голмани на Македонија, Златко Даскаловски и Никола Митревски, ја започнаа битката за петтото место во романскиот шампионат.

Гоце Георгиевски и неговиот ЦСМ Букурешт, во вториот полуфинален натпревар од шампионатот на Романија се поразени од Стеауа со 25-28 по изведувањето на седмерци, откако мечот во регуларниот дел заврши 24-24. Сега полуфиналната серија е израмнета на 1-1 и патникот во финалето ќе се бара по „мајсторката“, која ќе се игра на теренот на Стеауа.

Македонскиот тренер Звонко Шундовски се врати во Романија и својата кариера ќе ја продолжи во редовите на Доброгеа Суд Костанца, екипа добропозната за него со оглед на тоа дека беше дел од истата во минатото.