Ривалите на Порто во ЛШ испраќаат поддршка до Алфредо Кинтана

Ракометниот свет се моли за Алфредо Кинтана, откако искусниот чувар на мрежата на Порто на тренингот на тимот во понеделникот доживеа срцев удар и докторите се борат за неговиот живот.

Дефинитивно оваа информација го погоди ракометниот свет, а одредени ривали од противниците на Порто во групата А од Лигата на шампионите изразија жалење за здравствената состојба на Кинтана, кој допрва го чека најтешкиот натпревар во својот живот.

ПИК Сегед, Елверум и Киелце со пораки на социјалните мрежи испратија поддршка до 32-годишниот голман, а поради настанатата ситуација ЕХФ експресно го одложи следниот меч на Порто во Лигата на шампионите против Мешков Брест.