Ракометарките на ЖРК Пелистер со втор убедлив пораз во дуелите со српскиот претставник во Челинџ Купот, Зајечер, очекувано ја завршија европската есен уште во третото коло, прво во кое настапија според високиот рејтинг. Екипата на Томче Петрески вчера загуби со 50-20, номинално како гостин, а попладнево како домаќин, но во Зајечар, беше поразена со 23-44 (10-25).
Втора година по ред екипата на ЖРК Пелистер ќе ја претставува Македонија во Челинџ Купот. Ако минатата сезона презими и обезбеди осминафинале, годинава тоа ќе биде многу тешко да се оствари. Имено, клубот од Битола донесе одлука двата натпревари од третото коло на Челинџ Купот против српскиот Зајечар да се играат на гостински терен.
