• Мартин Танасковски
Европскиот шампион Вардар извојува нова победа во Лигата на шампионите, кај шведски Кристијанштад (23-26), а Раул Гонзалез, стратегот на вардарци, им честита на ракометарите за изданието.
Шпанецот посебен акцент стави на одбраната и на Арпад Штербик, кои ја направија разликата на оваа средба и на нападот му помогнаа да ја донесе посакуваната победа.
„Честитки за Кристијанштад, противникот покажа добар и атрактивен ракомет. Нашата одбрана и Штербик беа перфектни кога беше најпотребно. Одигравме според замислите, добро бевме подготвени и го спречивме нивното насјилно оружје - полуконтрата и контрата. Не почнавме како што посакувавме, но по тајм-аутот се вративме во мечот, го презедовме водството во свои раце и не дозволивме на противникот да се закани сериозно околу одземање на победата“, изјави Раул по мечот.
Вардар е лидер во групата во Лигата на шампионите, а во наредното коло гостува кај ППД Загреб во Хрватска.
