• Горан Упале
Ракометната селекција на Македонија доби противници по мерка во квалификациите за следното Европско првенство. Данска, Шведска и Норвешка ќе бидат домаќини на континенталниот собир кој што ќе се одигра во 2026 година, а Македонија на патот до ново учество ги има фаворизираната Словенија и двете балтички земји Литванија и Естонија.
Веднаш по ждрепката, познат е и распоредот во групата. Македонија стартува и завршува на свој терен. Првиот натпревар го играме против Естонија, додека квалификациите ги затвораме со Литванија.
Квалификации за ЕП 2026:
Прво коло:
Македонија – Естонија
Второ коло:
Литванија – Македонија
Трето коло:
Македонија – Словенија
Четврто коло:
Словенија – Македонија
Петто коло:
Естонија – Македонија
Шесто коло:
Македонија – Литванија
Двете најдобри селекции од секоја група и четири третопласирани ќе се квалификуваат на завршниот турнир. Квалификациите за место на овој собир ќе започнат на 4 ноември оваа година, а ќе траат до 11 мај 2025 година.
