• Саше Љолес
Селекторот на машката младинска репрезентација, Радослав Стојановиќ, го објави списокот на повикани за претстојното Светско првенство за играчи до 21 година кое ќе се одржи во Полска. Ново име е младиот Лука Ѓорѓиевски од младинската екипа на Еурофарм Пелистер, а повратници се Шулевски и Димковски. Заради потребите на сениорската репрезентација на овој собир отсутни ќе бидат Иван Галевски, Александар Петковски, Дамјан Митев и Валентин Карасманакис.
Во рамки на ЕХФ неделата младинската селекција ќе одигра пријателски средби против младински екипи од домашното првенство. На 8 мај е предвиден натпревар против младинската екипа на Бутел Скопје , а ден подоцна против Вардар 1961 или Пролет 62.
Собирот за претстојното Светско младинско првенстви ќе започне на 5 мај во хотелот „Карпош“ во Скопје.
