• Горан Упале
Ракометарите на Тиквеш прокнижија нови бодови на своето конто во Суперлигата, откако во последниот натпревар од 12. коло пред својата публика славеа над Пролет со сигурни 21-18.
- Koмплетниот натпревар меѓу Тиквеш и Пролет:
Кавадарчани до својата петта победа во домашниот шампионат, со кој се вратија во плеј-оф зоната (петто место) стигнаа по пресврт и по брилијантно одиграно второ полувреме.
Првите триесет минути минаа во знакот на многу технички грешки и мал број голови на двете страни. Во ваквата игра подобро се снајдоа гостинските ракометари кои на пауза заминаа со два гола предност (7-9), но во вториот дел играта на Пролет целосно се распадна.
Тиквеш искусно го искористи тоа, брзо ја анулира негативата и влезе во серија, која што на крај му донесе сигурна победа од 21-18. Во домашниот состав одлични беа Коцев и Мијушковиќ со по шест гола, а четири постигна Димовски. За Пролет прв стрелец беше Палевски со пет гола.
