Прилеп без проблеми до триумф над Борец

Ракометарите на Прилеп ја прославија првата суперлигашка победа оваа сезона. За разлика од претходниот викенд, кога некомплетни беа лесен залак за Бутел, сега со комплетен ростер прилепчани славеа над ГРК Борец со убедливи 33-22.

Гостите отворија со водство од 0-3, а некаде до средината на првиот дел одржуваа резултатска рамнотежа на теренот, 6-6. Потоа, прилепчани се одлепија на предност од +4, а таа разлика ја задржаа до крајот на полувремето (17-13).

Избраниците на Пеце Велјаноски со два гола на стартот на вториот дел водеа и со 19-13 и веќе беше јасно кој ќе биде победник. Прилеп водеше во неколку наврати и со +13 голови, но на крајот велешани намалија на конечни 33-22.

Најдобри стрелци во победничкиот состав беа Бозароски и Шокоски со по седум голови, а Органџиев даде пет погодоици. Кај гостите од Велес се истакнаа Ристовски со шест, како и Минов и Ристов со по четири погодоци.

Суперлига
ОН П Н И Гол. ГР Форма Бод.
1 МеталургМеталург 14 12 2 0 486:350 136 38
2 Охрид 2013Охрид 2013 14 12 1 1 404:313 91 37
3 Бутел СкопјеБутел Скопје 14 10 1 3 379:340 39 31
4 Пролет 62Пролет 62 14 9 2 3 440:371 69 29
5 РадовишРадовиш 14 7 1 6 412:408 4 22
6 Вардар ЈуниорВардар Јуниор 14 6 0 8 385:417 -32 18
7 Еурофарм Пелистер 2Еурофарм Пелистер 2 14 4 2 8 358:379 -21 14
8 Металург 2Металург 2 14 2 1 11 397:473 -76 7
9 РаботничкиРаботнички 14 1 1 12 399:504 -105 4
9 СтругаСтруга 14 1 1 12 323:428 -105 4