• Горан Упале
Меѓународната ракометна федерација (ИХФ) ги одреди групите за 19. издание на Светското клупско првенство, кое годинава ќе се одржи во Египет.
Во групата А актуелниот европски шампион Барселона ќе игра против Монтада од Алжир, бразилскиот ЕЦ Пињеирос и победникот од квалификацискиот дуел меѓу ЛА Хендбол и египетски Замалек.
Во групата Б, пак, германски Фуксе Берлин ќе се соочи со домаќинот Ал Ахли, Бурган СЦ од Кувајт и победникот од вториот квалификациски натпревар, во кој силите ќе ги одмерат Сиднеј Универзитет и унгарски Веспрем.
Очекувано, најголемо внимание привлекуваат европските гиганти Барселона и Фуксе Берлин, кои важат за главни фаворити за висок пласман, додека од сенка свој блесок може да има и унгарски Веспрем.
