• Иван Димовски
Ракометарите на Словенија ја оправдаа фаворитската улога и иако со подмладен тим се радуваа на гостувањето кај Естонија (28-29) во второто квалификациско коло на патот кон Европското првенство.
Естонците пак покажаа дека можат да одиграат на високо ниво, па му парираа на фаворитот. Гостите диктираа темпо и беа подобри во првиот дел, ама на полувреме се замина со 14-14. Водеше домаќинот на средината од второто полувреме имаше 24-22, а потоа следеше пад.
Словенечките ракометари заиграа посигурно и тоа го материјализираа со пресврт и минимален триумф. Неверојатна сцена се случи во последните секунди, Естонците имаа пенал за реми, а на голот застана Урбан Лесјак. Искусниот голман одбрани практично со глава, бидејќи топката го погоди в лице и го сочува водството на својата земја.
Zmaga v Estoniji! Današnji kapetan Urban Lesjak je po izteku igralnega časa ubranil sedemmetrovko za 29:28! #miSlovenci #ehfeuro2026 pic.twitter.com/478lN0BHjh
— Rokometna zveza SLO (@rzs_si) November 10, 2024
Домен Макуц беше играч на натпреварот со 13 реализации кај Словенија, а Нејц Цехте од Еурофарм Пелистер даде пет. Во домашниот табор Хендрик Варул имаше „девет од девет“.
Словенија е лидер во групата со четири бода, Литванија и Македонија се на по два, а Естонците се на нула.
