• Горан Упале
Македонскиот ракометен првак, Еурофарм Пелистер, втора сезона по ред ќе се натпреварува во Лигата на шампионите. Извршниот комитет на ЕХФ ја потврди одлуката на комисијата и пелистерци ја добија посакуваната покана за учество во ракометната елита.
Покрај „зелено-белите“, ЕХФ на поканите позитивно им одговори уште на ПИК Сегед, Киелце, Нант, Загреб, Фредериција и Динамо Букурешт, со што е затворен кругот на учесници во Лигата на шампионите.
Форматот на натпреварува останува непроменет, што значи дека и следната сезона ќе има две групи со по осум екипи. Еурофарм Пелистер своите ривали во групата ќе го дознае на 27 јуни, за кога е закажана ждрепката во Виена.
Минатата сезона пелистерци не се прославија во елитата, затоа што од четиринаесет натпревари имаа исто толку порази.
