Пелистер ги суспендира „непослушните“ Ѓорѓески, Гуглета и Станојевиќ

Во Пелистер беа доведени како големи засилување оваа зима, но не само што не се докажаа, туку нивната авантура со „зелено-белите“ предвреме е завршена. Александар Гуглета, Александар Станојевиќ и Даниел Ѓорѓески заработија суспензија од клубот и повеќе нема да го носат зелениот дрес. 

Турбуленциите во редовите на ракометниот клуб Пелистер немаат крај. Некогашниот шампион минува низ тежок период во финишот од сезоната на Суперлигата, а по заминувањата на спортскиот директор Златко Димитровски и тренерот Јошко Петковиќ, раководството на клубот се одлучи да направи чистка и во играчкиот кадар. 

Гуглета и Ѓорѓески дефинитивно ја завршуваат својата авантура со битолскиот клуб, додека ситуацијата со Станојевиќ е поразлична. Искусниот десен бек сигурно нема да игра на утрешниот меч со Вардар, а постoи можност да се најде во составот за градското дерби со Еурофарм Работник

Пелистер до крајот на сезоната ќе биде предводен од помошниците на Петковиќ, Атанасовски и Велјановски, кои ќе „дебитираат“ против шампионот Вардар. 

Суперлига, ПЛЕЈ ОФ МАЖИ
ОН П Н И Гол. ГР Форма Бод.
1 ВардарВардар 10 8 0 2 324:284 40 24
1 Еурофарм РаботникЕурофарм Работник 18 17 1 0 622:392 230 52
2 ПелистерПелистер 18 13 2 3 579:473 106 41
3 МеталургМеталург 10 6 0 4 307:303 4 18
3 Бутел СкопјеБутел Скопје 18 13 0 5 521:412 109 39
4 Пролет 62Пролет 62 18 12 1 5 551:456 95 37
5 Охрид 2013Охрид 2013 18 11 0 7 527:463 64 33
6 СтругаСтруга 18 9 1 8 481:457 24 28
7 РадовишРадовиш 18 5 0 13 559:610 -51 15
8 Вардар ЈуниорВардар Јуниор 18 4 0 14 451:549 -98 12
9 ПрилепПрилеп 18 3 1 14 429:597 -168 10
10 ГРК БорецГРК Борец 18 0 0 18 396:707 -311 0