• Сашо Поповски
Новото засилување на Алборг, Арон Палмарсон, се повреди и ќе биде надвор од терените во наредниот период.
Исланѓанецот беше заменет на мечот против Рингстед. По деталните прегледи беше утврдено дека тој има повреда на препоните, која ќе го натера да прави пауза 4-6 недели.
Големото засилување на данскиот првак се соочува со проблеми уште на стартот од сезоната. Повредата ќе го натера да го пропушти првиот дуел од Лигата на шампионите во септември.
Од таборот на Алборг најавија дека не се загрижени за својата ѕвезда, бидејќи се работи за краток период на отсуство.
